| 最近身邊有D唔同嘅人出現咗,首先係有工唔做嘅人,其次係有工唔搵嘅人,最後係搵唔到工嘅人.... 呢排有工唔嘅人有2個,一係我同事欣欣,二係同亞富對調嘅姐姐..對於欣欣,我覺得佢走得靚,佢心意已決,正經返埋最後一個月,絕無搞花神&瘋狂sick leave,又幫我哋整理好多嘢,到走大家都覺得佢對公司人志已盡;到同亞富對調嘅姐姐為咗唔想去第2度替工而resign,resign前又sick leave咗2日,今個星期一正式替工又sick leave,大家都怕咗佢,叫佢返我哋度先,又sick leave,可能有男友照顧&支持佢先咁做啦,其實好好地返埋呢個月係咪真係咁難呢,係要搞串個party,令大家難堪.... 另外有工唔搵嘅人係我一個小學嘅隔離小學同學張生,其實我唔識佢,係我老豆識佢亞媽..因為我老豆,佢亞媽知我做bank,想我recommend佢,但我話唔請人,不過佢係degree畢業,搵工應該唔係難得咁緊要,叫佢考政府,又話唔好,一直無搵工,等人搵比佢...其實佢知唔知degree唔係大晒,佢亞媽唔想再返工,想留喺屋企照顧2個妹,奈何佢個仔無返工,無得揀...比咁多$佢讀書就係換嚟咁嘅結局.... 然後就係我愛人嘅2位男性朋友,由市度好到差到咁,一直都搵唔到一份耐過3個月嘅工,欠卡數10幾萬,無Income proof借大loan,要破產,到而家先醒覺點解唔一早發現事情嘅嚴重性,有一個仲有索嘢嘅習慣,人係咪咁無警覺性呢,令我回想我呢兩三年為屋企,為朋友都還咗10幾萬,雖然無咩積蓄,但終歸都無負債...... 所以話女人終歸要有自我照顧嘅能力,自己搵自己使其實都係福氣,如果搵個男人唔生性,都有能力踢開佢自己好好生活..... |
